നെറ്റ്ഫ്ലിക്സ് ജൂൺ 30 ന് ലോസ് ഏഞ്ചൽസിൽ റെസ്റ്റോറന്റ് ആരംഭിക്കുന്നു. നെറ്റ്ഫ്ലിക്സ് ബൈറ്റ്സ് എന്ന് പേരിട്ടിരിക്കുന്ന റെസ്റ്റോറന്റ് ഏറെ വ്യത്യസ്തമായാണ് അവതരിപ്പിക്കുന്നത്. വിവിധ നെറ്റ്ഫ്ലിക്സ് ഷോകളിൽ ഷെഫുകൾ അവതരിപ്പിക്കുന്ന ഭക്ഷണങ്ങളാണ് ഇവിടെ വിളമ്പുന്നത്. ഈ ആശയം വ്യത്യസ്തവും രസകരവുമാണ്. ഏറെ കൗതുകത്തോടെയാണ് ആളുകൾ ഇതിനെ ഏറ്റെടുത്തിരിക്കുന്നത്. നിങ്ങൾക്ക് ഷോകൾ ഇഷ്ടമാണെങ്കിൽ അത് ഈ ഡൈനിംഗ് അനുഭവം മികച്ചതാക്കും. അയൺ ഷെഫിന്റെ കർട്ടിസ് സ്റ്റോൺ, മിംഗ് സായ്, ആൻഡ്രൂ സിമ്മേൺ എന്നിവർ പാചകക്കാരിൽ ഉൾപ്പെടുന്നു.

Read also: ‘മതം മാറ്റിയത് 3 പെൺകുട്ടികളെ,32,000 അല്ല’; ‘ദി കേരള സ്റ്റോറി’ യൂട്യൂബ് ഡിസ്‌ക്രിപ്ഷന്‍ തിരുത്തി

ദി ഹോളിവുഡ് റിപ്പോർട്ടർ പറയുന്നതനുസരിച്ച്, നെറ്റ്ഫ്ലിക്സ് ബൈറ്റ്സ് ആഴ്ചയിൽ ഏഴ് ദിവസവും വൈകുന്നേരം 5 മുതൽ രാത്രി 10 വരെ തുറന്നു പ്രവർത്തിക്കും. കൂടാതെ വാരാന്ത്യങ്ങളിൽ രാവിലെ 10 മുതൽ 2 pm വരെ ഉണ്ടായിരിക്കും. ലോസ് ഏഞ്ചൽസിലെ 115 എസ്. ഫെയർഫാക്‌സ് അവനുവിലാണ് റസ്റ്റോറന്റ് ഉള്ളത്.

നെറ്റ്ഫ്ലിക്സിന്റെ റിസർവേഷൻ നിലവിൽ തുറന്നിരിക്കുന്നു. ഈ മികച്ച പാചക അനുഭവത്തിന്റെ ഭാഗമാകാൻ താൽപ്പര്യമുള്ളവർക്ക് വെബ്‌സൈറ്റിയിലൂടെ ടേബിൾ റിസർവ് ചെയ്യാം. ഒരു ടേബിൾ റിസർവ് ചെയ്യുന്നതിന് 25 ഡോളറാണ് അഡ്വാൻസ് കൊടുക്കേണ്ടത്. ഇത് തിരികെ നൽകാനാവില്ല. ഡെപ്പോസിറ്റ് പിന്നീട് അതിഥിയുടെ ബില്ലിൽ നിന്ന് കുറയ്ക്കും.

Netflix is opening up a restaurant in Los Angeles pic.twitter.com/qMNAWNkFFW

— Dexerto (@Dexerto) June 13, 2023

Netflix Is Opening Its First Pop-Up Restaurant In Los Angeles