ദില്ലി: ഇന്ത്യൻ റെയിൽവേ യാത്രാ നിരക്കുകൾ ജുലൈ 1 മുതൽ വർധിപ്പിക്കുന്നു. പുതിയ നിരക്കുകൾ അനുസരിച്ച്, എസി ഇതര മെയിൽ/എക്സ്പ്രസ് ട്രെയിനുകളിൽ കിലോമീറ്ററിന് 1 പൈസയും എസി ക്ലാസുകളിൽ കിലോമീറ്ററിന് 2 പൈസയുമാണ് വർധനവ്. ടൈംസ് ഓഫ് ഇന്ത്യ റിപ്പോർട്ട് പ്രകാരമാണ് ഈ വിവരം.

500 കിലോമീറ്റർ വരെയുള്ള സബർബൻ ടിക്കറ്റുകൾക്കും സെക്കൻഡ് ക്ലാസ് യാത്രക്കുമൊന്നും നിരക്കുകൾ വർധിക്കില്ല. എന്നാൽ, അതിൽ മേലെ ദൂരമുളള യാത്രകൾക്ക് കിലോമീറ്ററിന് അർദ്ധ പൈസയുടെ വർധനവുണ്ടാകും. പ്രതിമാസ സീസൺ ടിക്കറ്റുകൾക്കും നിലവിലെ നിരക്കുകൾ തുടരുന്നതാണ്.

ജുലൈ 1 മുതൽ തത്കാൽ ടിക്കറ്റ് ബുക്കിംഗുകൾക്ക് ആധാർ രജിസ്ട്രേഷൻ നിർബന്ധമാക്കുമെന്നും റെയിൽവേ മന്ത്രാലയം അറിയിച്ചു. തത്കാൽ പദ്ധതിയുടെ ആനുകൂല്യങ്ങൾ മാനദണ്ഡങ്ങൾ പാലിക്കുന്നവർക്കുള്ളതാക്കുന്നതിന് വേണ്ടിയാണ് ഈ നടപടി. ഐആർസിടിസി വെബ്സൈറ്റ് വഴി മാത്രമേ ബുക്കിംഗ് ചെയ്യാൻ കഴിയുകയുള്ളു. ആധാർ രേഖകളിൽ രജിസ്റ്റർ ചെയ്ത ഉപയോക്താക്കൾക്ക് മാത്രമാണ് തത്കാൽ ടിക്കറ്റുകൾ ലഭ്യമാകുക. ജുലൈ 15 മുതൽ ബുക്കിംഗിനായി യാത്രക്കാർ ആധാറിന്റെ ഒടിപി ഘട്ടം പൂർത്തിയാക്കണം എന്നതാണ് മറ്റൊരു നിർദ്ദേശം.