കോഴിക്കോട്: പുതുതായി നിര്‍മിച്ച ആള്‍താമസമില്ലാത്ത വീട്ടില്‍ നിന്ന് ഹൈബ്രിഡ് കഞ്ചാവും അവ ഉപയോഗിക്കുന്ന ഉപകരണങ്ങളുമായി മൂന്ന് പേര്‍ പിടിയില്‍. വെണ്ണക്കാട് സ്വദേശി കബീര്‍, ആരാമ്പ്രം എടിയാടി പൊയ്യയില്‍ സലിം, ആരാമ്പ്രം സ്വദേശി റിന്‍ഷാദ് എന്നിവരെയാണ് കുന്നമംഗലം പൊലീസ് അറസ്റ്റ് ചെയ്തത്. ആരാമ്പ്രം ബൊട്ടാണിക്കല്‍ ഗാര്‍ഡന് സമീപം പുതുതായി നിര്‍മിച്ച വീട്ടില്‍ നിന്നാണ് സംഘം പിടിയിലായത്. ഇവര്‍ ഉപയോഗിച്ചിരുന്ന ഇലക്ട്രിക് കാറും പൊലീസ് കസ്റ്റഡിയില്‍ എടുത്തിട്ടുണ്ട്.

എം‍ഡിഎംഎ വിഴുങ്ങി മരിച്ച ഷാനിദിൻ്റെ സുഹൃത്ത്, മസ്താൻ എന്ന മിർഷാദ്; താമരശ്ശേരിയിലെ ലഹരി വിൽപ്പനക്കാരൻ പിടിയിൽ

താനൂരിൽ പെൺകുട്ടികൾ നാടുവിട്ട സംഭവം; സഹായിയായ യുവാവ് കസ്റ്റഡിയിൽ

കൊച്ചിയിൽ ഒമ്പതാം ക്ലാസുകാരൻ സഹോദരിയെ പീഡിപ്പിച്ചു

താമരശ്ശേരി സ്വകാര്യ ട്യൂഷൻ സെൻ്ററിന് മുന്നിൽ വിദ്യാര്‍ഥികൾ ഏറ്റുമുട്ടി; പത്താംക്ലാസുകാരന്‍റെ നില അതീവ ഗുരുതരം

വീടിന്റെ താഴെ നില ക്ലബ് ആയി പ്രവര്‍ത്തിച്ചു വരികയായിരുന്നുവെന്ന് പൊലീസ് പറഞ്ഞു. ശീതീകരിച്ച മുറിയില്‍ ഹുക്ക, കാരം ബോര്‍ഡ്, ടി.വി തുടങ്ങിയ സംവിധാനങ്ങള്‍ ഒരുക്കിയിട്ടുണ്ട്. മുകള്‍ നിലയില്‍ വിശ്രമത്തിനുള്ള സൗകര്യവും ഒരുക്കിയിരുന്നതായി പൊലീസ് പറഞ്ഞു. ഇവിടെ കോളേജ് വിദ്യാര്‍ത്ഥികളും മറ്റും വരാറുണ്ടെന്ന് പിടിയിലായവര്‍ മൊഴി നല്‍കിയിട്ടുണ്ട്. 14 ഗ്രാമോളം കഞ്ചാവ് ഇവരില്‍ നിന്ന് കണ്ടെടുത്തു. കുന്നമംഗലം എസ്‌ഐ നിതിന്‍, സീനിയര്‍ സിവില്‍ പൊലീസ് ഓഫീസര്‍മാരായ അജീഷ്, ജിനചന്ദ്രന്‍, വിപിന്‍, അരുണ്‍ തുടങ്ങിയവര്‍ ഉള്‍പ്പെട്ട സംഘമാണ് പ്രതികളെ അറസ്റ്റ് ചെയ്തത്.

അതിനിടെ പാലക്കാട് ജില്ലയിൽ തൃത്താലയിൽ കാറിൽ കടത്തിക്കൊണ്ട് വന്ന 4.459 ഗ്രാം മെത്താംഫിറ്റമിനുമായി മൂന്ന് യുവാക്കളെ എക്സൈസ് അറസ്റ്റ് ചെയ്തു. പട്ടാമ്പി ഓങ്ങല്ലൂർ സ്വദേശികളായ മുഹമ്മദ്‌ ഹാരിസ്(29), നൗഷാദ്(35), മുഹമ്മദ്‌ ഫാഹിസ് (29 ) എന്നിവരാണ് കഴിഞ്ഞ ദിവസം എക്സൈസ് സംഘത്തിന്‍റെ പിടിയിലായത്. മയക്കുമരുന്ന് കടത്തിക്കൊണ്ട് വന്ന കാറും കസ്റ്റഡിയിലെടുത്തു. പാലക്കാട്‌ ഡെപ്യൂട്ടി എക്സൈസ് കമ്മീഷണർ വൈ. ഷിബുവിന്റെ നിർദ്ദേശാനുസരണം തൃത്താല എക്സൈസ് ഇൻസ്‌പെക്ടർ ജി.എം.മനോജ് കുമാറിന്റെ നേതൃത്വത്തിലുള്ള എക്സൈസ് സംഘമാണ് കേസ് കണ്ടെടുത്തത്.

kozhikode latest drug case three youth arrested with hybrid cannabis from newly built house